حكاية الفجر اللي جاب هاتريك.. ومحدش يعرفها لحد دلوقتي!
قبل ماتش النجم الساحلي في برج العرب بـ24 ساعة، شيلت العقوبة عن صالح جمعة.
الساعة 3 الفجر: صور لصالح جمعة ووليد أزارو سهرانين، والتجمع 10 الصبح للسفر.
7 الصبح كلمت وكيل أزارو وقلتله: تعالى النادي فورًا.
قعدت معاهم، عنّفتهم، ومابلغتش الجهاز الفني.
أزارو قال: ماكنتش أعرف إن السهر ممنوع.. ومش هتتكرر.
سافرنا إسكندرية.
صالح وأزارو أساسيين، مفيش غير صالح بديل لعبد الله السعيد المصاب.
صالح اتصاب مزق في الدقيقة 25.
أزارو؟ هاتريك.. والماتش خلص 6–0.
بعدها صالح جمعة قالّي:
شوفت عملتلك فيه إيه؟ مكنش بيجيب جون.. سيبهولي أسهره وهتلاقي من دا كل ماتش!
المعلومة الأهم:
لا كابتن سيد عبد الحفيظ
ولا كابتن حسام البدري
يعرفوا القصة دي… لحد النهارده
إرسال التعليق